*News, 13.03.2012*
Hoi zäme, es isch scho wieder es wyli her sit'em letschtä Itrag, aber hey, es git GOOD NEWS. S'neui Meier's DEMO isch fertig und cha ab sofort gratis abegladä werdä. Es hätt echli duurät, aber mir händ's doch no gschafft. Mir findet, dass es würkli rockt. Also...lädet die Lieder abä und gänd üs euri Meinig ab, was er vo dem Krach haltät.
Do chönder diä Lieder abeladä: d'Meiers - Positiv!
Demnächscht git's dänn no meh News und no ä cooli Überraschig, öppis wo mir i eusem Musikerläbe no niä g'macht händ. Lönd eu überraschä.
Bis denn, eurä Remo (Bändchef) Meier
*News, 20.09.2011*
Ciao a tutti, im Moment nämmemer am Voting vom "Rock Highway Contest" teil. Bitte stimmet (voted) für eus ab und zwar unter folgendem Link:
Also wünschet eus Glück!!! Im Moment bini immerno am Demotape dra und langsam wird's au fertig. D'Summerferiä sind halt däzwüsche cho...aber es chunnt scho no das Johr.
Gruess Remo "hähä" Meier
*News, 18.07.2011*
Ciao zäme, für's Rockfest in Schmerikä...mmmh wiä söll ich's säge...hett's wiederemol nööööd klappt. Ä Teilnahm wär aber für üses Image eh mies gsi, will ROCKfest chammer derä Veranstaltig scho lang nüme säge. Aber mir gratuliert natürli trotzdem allne wo's gschafft händ, öb mit Vitamin B oder nöd. Toi toi toi!!! I dä nächschte Wuchä sett definitiv diä neu EP vo eus fertig si. Dä Arbeitstitel isch im Moment"169*71=2011" und sett im September fertig si. Ich bi zueversichtlich dass ich bis dänn no alli Text fertig bring, d'ufnahmä abschlüssä cha, alles dopplä tue (git und g'sang) und dänn alles abmisch und am Schluss no es Mastering dem Mix verpassä. Was ich definitiv cha säge isch, dass diä neuä stuck roh und dräckig tönet. Drucket mir bitte alli tüümä. Meh news demnächscht...gell Dani.
*Gruess, eurä (din) Remo Meier*
*News, 04.06.2011*
Ciao zäme, mir sind im Rennä für's Rockfest in Schmerikä...es heisst dettä "Local Hero" und so wiiter...wobie sehr vill Band's sind nöd würkli very "local". Aber d'Schwyz isch jo eis Dorf und so sind alli echli "local". Bitte schriibet uh vill Kommentär innä, wiä geil mir seget. Do müender halt villicht emol über eure Schattä springä. Mit echli Glück chömmer wiederemol am Rockfest spielä. Parat wäret mir...mir sind immer parat.
Homepage Rockfest.ch oder uf Facebook
Merci...*Remo Meier* s'neuä Demotape wird imfall uh geil!!! Gell Dani?
*News, 26.12.2010*
Ciao zäme, d'Niederlag am Contest i'dä Rotfarb hämmer überwundä. Vor es paar wuchä han ich mis chlinä Recording-Studio in Bandruum züglet und alles agstöpslet. Im Moment simmer no echli am probä aber ich glaub' im 2011 git's es neus Demo. Mir sind grad nöd emol so schlächt druf. Do no es paar Filmli us em Bandruum:
Schmerz: http://www.youtube.com/watch?v=n3Sa33ySw1A
Ich bi und blieb eso: http://www.youtube.com/watch?v=uY_PuHqz3F8
Dubbel: http://www.youtube.com/watch?v=DV4yLJH-l1g
D'Meiers verabschiedet sich vom durchzognä 2010 und wünschet eu en guetä Rutsch und es mega erfolgrichs 2011.
*Remo Meier*
*News, 15.02.2010*
Salutti zäme, isch doch scho es wyli her sit em letschtä itrag. Passiert isch bandtechnisch wenig, aber hey, mir sind immerno am abrockä und händ doch es paar neui songs uf lager. Ä paar sekundä neuä lärm hani schomol ufegladä (aber vorsicht, it's nur ä pilotunfnahme).
Es paar sekunde neuä Lärm: Dubbel
